一呂 & 沙呂叩門題目

一呂

== 2012年

我囝囝成功今年叩入，我不知他們收生準則，以下只是我所做過的，以供參考：

1. Profolio (自行派位時，我亦有交）

2. 爭取公開比賽獎項

3. 爭取校內外表現機會

4. 爭取校內頭三名

5. 訓練面試對答

6. 訓練講英文故事

7. 訓練睇英文故事書

8. 加減乘數

9. 爭取學校推薦信

10. 家長了解學校教學理念

...... 仲有很多，不能盡錄

只可以說，他們愛材，尤其學術成績。

留意，佢得四班，每班二至三個叩門位，即總共有8-12個，幾百人爭十個位，真係要準備充足才可。

如果小朋友成績好，小一叩門不成功，可以試下小二插班，識得一位小朋友讀九龍塘一間私小，小一成績雖然並非三甲，但在小二時都成功轉到一呂上學!

== 2015年

一呂能夠叩門, 一定要識人有人推薦, 已經通知你有得扣門嗎?

一呂個校長好現實既, 會先獨自問下個小朋友平時既野, 放假去邊, 學咩野之類, 睇埋你讀邊間幼稚園, 有冇獎狀/證書之類, 就已經對個小朋友心中有數, 跟住會叫埋你一齊傾, 話俾你聽佢間學校入得去既小朋友都好叻, 小朋友會好忙, 唔可以訓晏覺, 如果俾佢睇到你非常用心谷個小朋友, 尤其學野夠特別, 仲要係跟名師學, 機會會比較大.

First round is a simple group interviews with the kids, 2nd in is with principal, first is kid with principal, then parents meet her together with the kid. She asked simple questions, nothing really special!

== 2021年

叩門去一呂，職員見你份資料唔係111 or 110，放一個箱 (黑洞)，見到你係111 / 110，放另一個箱

黑洞會唔會收call我就唔知，只知我無收過面試call

兩年前一呂不是110 ，表格都唔收。黑箱都放唔到

沙呂

== 2011年

記得沙呂問過一題, 比幅圖佢睇, (大約係咁) 有1個5圓硬幣, 1個2圓, 1個5毫, 1個2毫, 1個1毫, 問加埋有幾多錢?????

== 2012年

中, 英, 數, 普通話都有, 還有分組上課室睇影片舉手答問題, 最記得有一題數學題比幅圖小朋友, 圖上有 5元, 2元, 1元, 0.5元, 0.2元, 0.1元各一個 (大約係咁) 加埋有幾多錢???? 老師in 小朋友, 舊校長in 父母大約1分鐘, 問點解楝呢間學校??? 大至上係咁, 祝好運 :)

舊年係in 一次, 小朋友排隊上課室分組in , 同一時間家長排隊 in 舊校長之後等小朋友回來, 職員跟手比一張通告, 內容大致係話: 若收你小朋友會係某一個日期前會收到電話通知, 之後走得, 冇2nd in

仲有一題, 用d柸疊高高(越高越好),疊完一次要再用另一個方法疊多一次.

沙呂的叩門準備

派一記住寫一，先有機會in.父母同小朋友分開in.父母得五分鐘左右，問題好直接，如小朋友入黎讀，父母有甚麼幫忙學校，小朋友發脾氣點處理等，最好做定功課。聽阿女講，有幾個老師in. 限時之內讀文章，計下幾多錢，英文問問題。

無牧師或教會推薦信，成功機會會非常之細。但還是可以給你一點提示。

它們重視portfolio及推薦人, 會預先shortlist一班重點的小朋友， 被shortlist的一班學生在interview 時，會叫他們讀英文書，反之，其他的就會安排讀中文書。今年六月，有約200名小朋友被安排叩門面試。

首輪面試，小朋友是以group interview形式進行, 亦會同時in 家長。

同樣, 被shortlist的，在首輪家長面試時，是安排見副校的，而其他家長是見老師的。

希望幫到你。

今年阿仔叩門入o左沙呂小, 希望以下提示幫到你.

1) 要填 1-1-1 先有得in

2) 1st in 只見小朋友, 要小朋友讀英文書, 計下d硬幾多錢,玩遊戲(阿仔話係疊高,要高過一個標準, 然後用另一方法再疊一次)

3) 如果ok, 2nd 係同一日,校長同時in 家長&小朋友, 都係問下點解揀沙呂,問阿仔有乜野課外活動.

4) 最後校長送糖比小朋友, 我估係睇佢反應, 不過阿仔冇講多謝, 只係揀黎揀去,校長話:你不如聞下d味揀下, 點知阿仔真係粒粒聞下, 仲要揀完即刻開黎食:s.

個人意見係, 佢地想揀d 識好奇心大同活潑既小朋友

== 2014年

我果年要見家長，朝早in 小朋友，下午如入倒第二輪，同小朋友一齊見校長。校長會睇你交的portfolio，focus問小朋友看來没有training 的subject,如只問數學因已考starters 及拿普通話朗诵獎。

還有因我已有直资收左，所以只有1。校長只係問我地邊問直资收，同一些簡單問题，主要考小朋友。所以小朋友一定要答問题。我果個是乖巧的，所以wait list好前，最後有offer,但最終仍是放棄,因有更好offer.我觉得校長好reasonable.

小組in小朋友，上年大概考啲咩？

有七巧板，有中英文故事睇/讀

== 2015年

 上年的問題是---

你平時如何教導子女?

為何會選這所學校?

如何幫忙這所學校? (好廣泛, 當時我只聯想到$$)

叩門位應該15個，再加入左但放棄既，最多不超過20個吧，除非有好多人唔要，但點會有咁多？ FYI:: 自行加大抽獎每班三十人，五班共收150個，而剩下15個就是叩門位，全級是165人，即每班33人的。

== 2016年

請問沙呂係點樣 揀家長？

我身上及聽返嚟有兩個例子，都係死於阿媽講錯野。。

如果流程無改，孩子們去玩面試遊戲嘅同時，會開放多間課室，老師會同家長傾5-10分鐘，以排除怪獸家長，或學校不喜歡嘅特質。

而聽返嚟個case仲要有人事關係！公平起見。。唔想講太多，我知大家都會小心講嘢，但屋企點教。。。你答得，就會影響結果！

沙呂2nd In 都幾百人, 我嚇一跳。 我仔都有2nd, 以為都有機會, 但當你見到咁多人2nd In, 扣門位得十個八個...算吧了 ！！ 重要偏收某間幼稚園生扣門生多。

== 2018年

應該說自行要選沙呂 , 大抽獎甲乙部都要選沙呂作第一志願 ,  才有機會叩門 . 據聞上年有500多人交表 ,當中只有200多人可以叩門  ,因為這200多人全部都是在自行和大抽獎以沙呂為首選

上年有63個統一派位學位 ,  因此估計有接近3百人以沙呂為首選  ,  所以抽中率應在25%以下而據聞扣門位有十多個 ,  卻有200多人叩門  ,  叩中率更在不足8%

== 2019年

之前聽一個家長分享（因我仔問佢in咩佢話唔記得）1st in係谷in 6人一組

老師會問小朋友問大約7-8個問題，其中一題係英文問題,全程15分鐘

2nd in 係父母同小朋友見校長

首先小朋友見校長，校長會用英文同小朋友對答，完後 小朋友就會叫父母入去見校長，全個過程15分鐘內

如果學校取錄，一般一星期內就會收到通知

== 2021年

沙呂，職員友善，所有申請都會處理，以往情況係多數會收到面試通知，但有111或教會/學校推薦信嘅，會優先安排二面

我仔當年有KG同學(優異生) 自行報沙呂，之後take 培僑offer，孩子面試時，應該我兒識得較多，最後佢仔有二面，我地無，之係waiting 入到，之後一直全級頭十名以內，只想講，沙呂叩門係以關係行先 (唔一定要自行揀過)，如果你有教會推薦，面試部份唔太差，都會首輪offer

培基

== 2019年

有交表就有得IN第一round第1round 不會考英/普, 好似其他學校咁, 切下圖, 老師講故事, 小朋友答問題

第2round 叫你油顏色(唔好以為唔計分, 講到明俾4張圖畫你油, 油得晒有剔, 油唔晒就就"X". 會用英, 普問問題, 考下自理能力, 數字問題都有

有無領好多獎有無用就唔知~interview過程只見小朋友, 不會見家長

培基係要D乖同定的小朋友, of cos need to be smart la

一呂，沙呂好唔好

== 2011年

一呂課程深, 數教早一個學期, 英文也深, 多功課, 逢二四dictation

沙呂活動多些, 英文主要考comprehension, 不考grammar, 數有思考題 (similar to 奧數)

培基用英數, 課程不太深

一胡課程一般, 傳統

update 沙呂小的生活

囝囝返左一個多星期, 佢話返學好開心, 好好玩, 但家長就慘囉...... 因為真的如外間所說有好多功課, 家長要花多少少時間幫小朋友

先講功課, 除了1/9 冇功課之外, 每日都有3-4樣, 今日星期五有7樣功課, 中, 英都有閱讀理解, 每星期要寫生活點滴(=週記), 放完中秋假就有默書, 真係充實........

== 2018年

沙呂是电子教學, 多用平板, 有部份家長不喜愛(對眼睛不好). 所以有家長偏愛一呂。

== 2021年

沙呂考試不排名次亦冇分精英班，課程都好活動教學。見佢冇分學科嘅暑期作業，只需做一個自定目標嘅專題研習同創作一本圖書。

第一直資私小老師相對冇保障，搵到好既就會走，所以老師流失亦高，另一面亦可以話好老師會走（朋友做老師，計過官津同直資比，退休金可以爭幾百萬，你就會明點解搵到官津走）

第二有親友讀名幼讀沙呂，撞到唔少同一間升上來，再同同學仔媽咪傾計，kv sc 都唔少，家教會選既家長大多專業人士，佢話曾經搭的士時司機話呢間津校好多私家車接送.當然我都相信有低收入人士，但我又覺得品行同收入冇關連。如果你有研究，沙呂最出名唔係成績，係運動，特別游水，我覺得都係校舍有游泳池，日日操水，因利成便。

入到去你發覺沙呂都好多KV SC

KV大校黎講,朋友話佢識既幼稚園同學又同一級都已經有5個

好多家長選校沙呂，因為有間band1A既聯繫中學，沙呂小學有50%可入band1中學，當中有相當大部分是band1A.band1A中學有大概50%可入三大，所以行伊條path，大概2x%-3x%可入三大.

同樣，在wkf一直讀落去，一樣是2x%-3x%機會入三大.只是因為升中冇淘汰後面既學生，所以總體成績不如純收band1生既中學.

好多家長亦會想，讀官津唔使錢，點解要讀差唔多水平要錢既呢？直資學校小學每個學生每年亦拿政府五萬幾，家長交左既學費使學校資源多左，例如請多啲英文老師，家長亦冇虧底到.

沙呂小學無疑是一間好學校，除去有直屬名中既官津小學，在其他官津小學中應可排全港前10.

我小朋友唔是讀WKF,但覺得此校亦滿足我既選校要求：

1.學校語境好.

2.學生愉快學習.

3.學校重視學生表達能力，多機會發揮.

4.學校是大校，組樂隊，運動隊容易

5.學校有對叻學生抜尖，有例子學生提前入讀牛津.

至於學術，當直資小學新成立，一開始收既是注重愉快教育既家長，當有成績後，就不斷提升學術要求，無疑現在既報考人數比十二年前多，生源亦比十二年前好.

同一間學校，有學生讀三大，有學生三三二二都過唔到，家長及學生資質亦是重要因素.家長又是否有自己既教育理念？

大概估計算數啦.

否則太複雜，例如沙呂中學自行收個班學生六年後升三大率會唔會比靠聯繫位或大抽獎入個班高.

點解沙呂小學會咁高比例入沙呂中學，估計沙田其他小學明知沙呂，一呂乙一必填沙呂中學，自然唔會同你争啦.去填曾中，祟中.

wkf去外國升學個班又有幾多是屬前列學生呢.

知道wkf亦可自行培養出叻既學生就ok了.

曾經有機會接觸過呢2間top既學生，理論上wkf 跳得出來應該係最top個d,但真係得英文好，入到1間1a都係中間，另一間就識幾個都係top既學生，all round，讀書不俗，體育或/及樂器都ok,入到傳統名校都繼續級頭或中上

不過又可能係wkf 個個係個別例子.

另外wkf 真係讀得好同唔好都好多人走。

但再加上wkf 小學同中學都識人係個到教，簡單一句，教得好既都2-3年走

中學官津都多一人一樂器

小學相對小

沙呂冇一人一樂器，不過我知COVID 之前個個最少學牧童笛，學校有交響樂團、高低年級詩班、高低年級手鐘隊、敬拜樂隊、木笛合奏及英文民歌隊

每年考核要演奏樂器

wkf 英普語境一流，小兒讀了1年， 英普（尤其是英文）進步神速， 非一般官津小可以比美。

WKF的學習模式和思維訓練，在成績上未必可以反映出來， 但對以後的學習生涯（尤其是大學或以上）和將來工作方面，一定是正面的影響。

除非是經濟問題， 否則我想不到原因要放棄一間與時並進的一條龍學校，而選擇津貼學校。

沙呂我都識有人教，係入面做都辛苦

我自己睇一呂成績係靚，而且net多，但唔夠沙呂多活動

早2年識人讀某津中，俾直資既10分1，行小班，2x人一班，再聽朋友講入某直資4x人一班，直資對我黎講最吸引係dse外多一個選擇，另我最hesitate 係師資穩定性。